د ولسمشرۍ ټاکنو پايلې باید ومنل شی

آریانانیوز: دیوراپور په اساس د ملګرو ملتونو ځانګړي استازي تدامیچي یاماموتو د یاد سازمان امنیت شورا ته ویلي، چې د ولسمشرۍ نوماندان او پلویان دې د ولسمشرۍ ټاکنو پايلې ومني
یاماموتو د ټاکنو له ښکېلو لوريو غوښتي چې د ټاکنو کمیسیون ته دې د کار اجازه ورکړي، تر څو شکايتونه وڅېړي او د خپل شفاف کار پایلې له خلکو سره شریکې کړي
نوموړی زياتوي، کله چې د ټولو نوماندانو قانوني غوښتنو ته رسېدنه وشي، د ولسمشرۍ نوماندان او پلويان يې اړ دي چې د ټاکنو پايلې ومني
پاماموتود افغانستان سولې په اړه وايي، چې د سولې رهبري بايد د افغان حکومت په لاس کې وي او نړيواله ټولنه هم بايد په دې برخه کې افغانستان سره مرسته وکړي.