د وسله‎وال پوځ اعلی سرقومندانۍ غونډې د ولسي جرګې او ولسوالیو شوراګانو د ټاکنو پر امنیتي پلان بحث وکړ

آریانانیوز: د افغانستان د اسلامي جمهوریت د جمهوررئیس محمداشرف غني په مشرۍ د وسله‌وال پوځ اعلی سرقومندانۍ په ارګ کې جوړه شوه.

په پیل کې د سولې او امنیت دښمنانو سره د مبارزې او په ټول هېواد کې د تروریستي ډلو د ځپلو په برخه کې د هېواد د امنیتي او دفاعي ځواکونو د کوښښونو او سرښندنو قدرداني وشوه.

د امنیتي او دفاعي سکتور مسوولینو د هېواد د ځینو ولایتونو د امنیتي وضعیت په اړه د مفصل راپور د وړاندې کولو ترڅنګ د ولسي جرګې او ولسوالیو شوراګانو د ټاکنو امنیتي پلان هم غونډې ته وړاندې کړ چې له هر اړخیزونو بحثونو وروسته په هغه اړه لازمې لارښوونې وشوې.

همدارنګه په دې غونډه کې د ځینو ولایتونو عمومي امنیتي وضعیت وارزول شو اود دښمن د پلانونو د دفعه کولوپه اړه امنیتي او دفاعي مسوولینو ته لازمې لارښوونې وشوې.