د سکرو کان دوه کارګر له کانه ژوندي راوتل

آریانانیوز: د بغلان په ولایت کې د سکرو د کان دوه کارګر چې د مړینې خبر یې خپور شوی و. له کانه ژوندي راوتلي دي
د بغلان ولایت د تاله‌ وبرفک ولسوال عبدالاحمد برفکي خبریالانوته وویل څلور کارګر څلور ورځې مخکې د سکرو کان ته د سېلاب د ورننوتلو په خاطر د ځمکې لاندې ۱۰۰ مترۍ کې ایسار پاتې و
هغه وویل د خلکو په مرستو باندې دوه تنه دا کارګر له کانه راویستل شول او د دوو نورو ایسارو شویو د ژغورنې لپاره هم هڅې روانې دي
د سکرو کانونه په تېره بیا په هغو سیمو کې چې امکانات کم وي تل په‌کې د کارګرو ژوند ته ځیني ګواښونه پېښوي چې له امله‌یې هر کال په نړۍ کې سلګونه دا کارګر وژل کېږي.