د زلمي خلیل زاد ټینګار د حکومت او وسله والو طالبانو تر منځ د خبرو پیل نه ځنډول.

  آریانانیوز: په افغانستان کې د سولې لپاره د متحده ایالاتو ځانګړي استازي زلمي خلیل زاد پرون د افغانستان د پوهنې وزارت د علمي شورا د مشر عبدالباقي امین وژنې په غبرګون کې وویل چې ټولې خواوې باید تاوتریخوالی راکم کړي او په سمدستي ډول د افغانانو ترمنځ خبرې پیل شي...

خلیل زاد ټینګار وکړ چې د دې پروسې(له طالبانو سره د حکومت د خبرو پیل) ځنډولو لپاره کوم ښه دلایل شتون نلري.

عبدالباقي امین ، د پوهنې وزارت د علمي شورا رییس ، د تیرې پنجشنبې په ورځ د کابل ښار د پنځمې امنیتې حوزې کې د خپل موټر په چاودنه کې ووژل شو.