د افغانستان کنګل شوې پیسې به سویس ته انتقال شي

آریانانیوز: انټرسیپټ اعلان وکړ چې د افغانستان کنګل شوې شتمنۍ به د سویس د تسویې بانک ته له سپارلو وروسته د امریکا تر څارنې لاندې وي.

له څو میاشتو چوپتیا وروسته، متحده ایالات چمتووالی نیسي چې د افغانستان د کنګل شویو مرستو د یوې مهمې برخې د ازاد کولو اعلان وکړي.

د افغانستان کنګل شوې شتمنۍ باید د سویس په جنیوا کې د بین المللي تسویې بانک ته وسپارل شي. ټاکل شوې چې د افغانستان کنګل شوې شتمنۍ د سویس په جنیوا کې د حسابونو د تسویې نړیوال بانک ته وسپارل شي.

د متحده ایالاتو خبري رسنۍ انټرسیپټ راپور ورکړی چې متحده ایالات به دا وڅیړي چې د افغانستان کنګل شوې شتمنۍ دې بانک ته له سپارلو وروسته د بشردوستانه مرستو لپاره څنګه ویشل کیږي.

دا خبر لومړی د ترکیې د TRT شبکې لخوا خپور شو او بیا په خبرو اترو کې ښکیلې سرچینې انټرسیپټ ته د هغه درستیت تایید کړ.

د طالبانو په لاس د کابل له سقوط وروسته امریکا د افغانستان د بهرنیو اسعارو اوه میلیارده ډالره زیرمې ضبط کړې او خپلو اروپایي متحدینو ته یې امر وکړ چې په دغه اتحاد کې ساتل شوي دوه میلیارده ډالر نور هم ضبط کړي.