د افغانستان له ۷۰٪ څخه زیات نفوس د فقر تر کرښې لاندې دي

د مهاجرت نړیوال سازمان ویلي لږ تر لږه ۷۰ سلنه افغانان د فقر تر کرښې لاندې ژوند کوي.

د مهاجرت نړیوال سازمان په یوه راپور کې ویلي چې د افغانستان اقتصاد د سقوط په حال کې دی او کوچني او متوسطه کاروبارونه لا هم خپل کارګر له دندو ګوښه کوي.

د دغه بنسټ په وینا، سږ کال له ۶۰ زره کورنیو سره د مرستې لپاره ۴۱ میلیونه ډالرو ته اړتیا ده، او لږ تر لږه ۷۰ سلنه افغانان د فقر تر کرښې لاندې ژوند کوي.

بايد يادونه وشي، چې د نړۍ هېوادونو او مرستندويه موسسو تل په افغانستان کې د ناوړه بشري وضعيت په اړه خبرداری ورکړی دی.