د اسیا پراختیايي بانک له افغانستان سره ۴۰۰ میلیونه ډالره مرسته وکړه

د ملګرو ملتونو د ماشومانو وجهي صندوق او د اسیا پراختیايي بانک له افغانستان سره د ۴۰۰ میلیونه ډالرو مرستې اعلان وکړ.

د ملګرو ملتونو د ماشومانو صندوق اعلان کړی چې د اسیا پراختیايي بانک له افغانستان سره د ۴۰۰ میلیونو ډالرو نورې مرستې هم کړې دي.

دغه سازمان اعلان وکړ، چې دغه مرستې د اسيا پراختيايي بانک، يونيسف، د خوړو نړيوال پروګرام او د ملګرو ملتونو د خوړو او کرنې سازمان ترمنځ د نوي تړون پر بنسټ شوې دي.

یونیسف وویل چې دا مرسته به د خوړو د خوندیتوب او د میندو او ماشومانو د روغتیا اړتیاوو په پوره کولو کې مرسته وکړي.

دغه بنسټ زیاته کړې، چې په افغانستان کې له ۹،۵ میلیونو ډېر خلک په هغو سیمو کې ژوند کوي، چې روغتیايي اسانتیاوې یې نه لرلې او د روغتیايي خدمتونو غوښتنه هم ډېره ده.

د اسیا پراختیايي بانک او د نړیوال بانک د جنوبي اسیا څانګې او نورو ادارو په مرسته، یونیسف ویلي چې دا ډاډمن کولی شي چې زیانمنونکو ښځو، ماشومانو او کورنیو ته روغتیايي خدمات وړاندې کوي.

د اسیا پراختیايي بانک د روان کال د لیندۍ میاشتې په ۲۹مه د افغانستان له خلکو سره ۴۰۰ میلیونه ډالره مرسته کړې چې ۲۰۰ میلیونه ډالره یې د یونیسف او پاتې ۲۰۰ میلیونه ډالره د خوړو نړیوال پروګرام او د ملګرو ملتونو د خوړو او کرنې سازمان له لارې کارول شوي.