افغانستان کې د خوراکي توکو ناامنۍ د کچې زیاتوالی

ملګرو ملتونو اعلان کړی چې په افغانستان کې د خوراکي توکو د ناامنۍ کچه ډېره د اندېښنې وړ ده.

د خوړو نړیوال پروګرام او د ملګرو ملتونو د خوړو او کرنې سازمان اعلان وکړ چې د نړۍ په ۱۸ برخو کې د خوراکي توکو د ناامنۍ او لوږې کچه تر ټولو لوړې کچې ته رسېدلې او د اندېښنې وړ ده.

د دواړو ادارو په وینا، بورکینا فاسو، مالي، سویلي سوډان او سوډان د اندیښنې په لوړه کچه کې دي او خورا عاجل پاملرنې ته اړتیا لري.

د دغه راپور له مخې افغانستان، د کانګو دیموکراتیک جمهوریت، ایتوپیا، هایتي، پاکستان، سومالیا، سوریه او یمن ډېر د اندېښنې وړ مرکزونه دي.

د ادارو په وینا، دا ټول هیوادونه لوی شمیر خلک لري چې د خورا سخت خوراکي ناامنۍ له جدي کچې سره مخ دي یا به مخ په خرابیدو فکتورونو سره چې تمه کیږي په راتلونکو میاشتو کې به د دوی د ژوند ګواښونکي شرایط لا پسې خراب کړي.

تر دې مخکې نړیوال بانک ویلي وو چې د طالبانو له واکمنۍ وروسته د افغانستان د بېکارۍ کچه دوه برابره شوې ده.