یونیسف: په افغانستان کې له هرو پنځو ماشومانو څخه یو یې کار کوي

آریانانیوز: یونیسف اعلان کړی چې په افغانستان کې له هرو پنځو ماشومانو څخه یو یې کار کوي او یو لامل یې له ښوونځي څخه د دوی وتل دي.

یونیسف ټویټ کړی چې د لاملونو په پام کې نیولو پرته، د سازمان موخه دا ده چې په ټولو بڼو کې د ماشومانو کار پای ته ورسوي.

د یونیسف په وینا، په افغانستان کې د ماشومانو د کار لاملونه مهاجرت، له کورنۍ څخه جلا کیدل، د ناچاودیدو بمونو ټپي کیدل او د ښوونځي پریښودل شامل دي.

په افغانستان کې د ملګرو ملتونو د ماشومانو وجهي صندوق (یونیسف) وايي، په دغه هېواد کې له هرو پنځو ماشومانو څخه یو یې کار کوي.

د 1959 د ماشومانو د حقونو نړیواله اعلامیه وايي چې ماشومان باید د هر ډول غفلت، ظلم او استحصال په وړاندې خوندي شي او مخکې له دې چې دوی مناسب عمر ته ورسیږي، باید اجازه ورنکړل شي چې په داسې کارونو کې وګمارل شي چې د دوی فزیکي او رواني روغتیا یا د دوی تعلیم ته زیان ورسوي.