ملګري ملتونه: افغانستان د لوږې له بحران سره مخ دی

آریانانیوز: ملګري ملتونه وايي، په افغانستان کې ډېر ماشومان د کار او د خپلو کورنیو د ملاتړ له امله له ښوونځي څخه وتلو ته اړ شوي او سختو کارونو ته مخه کړې ده.

د ملګرو ملتونو د کډوالو عالي کمېشنرۍ د افغانستان په اړه اندېښنه څرګنده کړې او ویلي یې دي چې افغان وګړي اوس د خوړو له بحران او جدي خوارځواکۍ سره مخ دي.

د ملګرو ملتونو اړوند سازمان په ټویټر کې لیکلي چې ډیری ماشومان د کار او د خپلو کورنیو د ملاتړ له امله ښوونځي پریښودو ته اړ شوي او سخت کار ته مخه کړې.

ملګرو ملتونو په دې وروستیو کې په یوه راپور کې ویلي، چې تر ۲۰۲۲ کال پورې افغانستان ته له اړمنو او راستنیدونکو سره د مرستې لپاره ۳۴۰ میلیونه ډالرو ته اړتیا ده.