ترکيې تر ۸۰۰ ډېر افغان کډوال اخراج کړل

د ترکیې حکومت اعلان کړی چې ۸۲۶ افغان کډوال چې د اوسېدو رسمي اسناد یې نه درلودل له هېواده شړلي دي.

دغه پناه غوښتونکي له نيول کېدو وروسته هوايي ډګر ته يوړل شول او د څلورو الوتنو په واسطه بېرته افغانستان ته راستانه شول.

ترکیې ویلي چې د بې اسنادو کډوالو د ایستلو بهیر ته به دوام ورکړي.

تر دې مخکې ترکیې سلګونه افغان کډوال له دغه هېواده ایستلي وو.

د پاکستان له خوا له دغه هېواده د ناقانونه افغان کډوالو د ایستلو له پرېکړې وروسته ترکیې هم دغه بهیر چټک کړی دی، په نامناسب چلند او د نړیوالو قوانینو خلاف چې له نړیوالو غبرګونونو سره مخ شوی دی.