د غزې په شمال کې د اسراییلو یوه بې پیلوټه الوتکه وویشتل شوه

آریانانیوز: د غزې تړانګې په شمال کښې د صهیونیسټی پوځیانو یوه بې پیلوټه الوتکه نسکوره شوه.

دغه بې پیلوټه الوتکه د غزې تړانګې په شمال کښې د بیت حانون په آسمان کښې د فلسطین د مقاومت د ډلو له خوا وویشتل شوه او نسکوره شوه.

د فلسطین د اطلاعاتو د مرکز د معلوماتو له مخې، د بې پیلوټه الوتکې د ډول، ماموریت او د هغې د ویشتلو لپاره د کارول شوې وسلې په اړه تر اوسه معلومات نه دي خپاره شوي.

همداشان څه کم لس ورځې مخکې د فلسطین د مقاومت جنګیالیو په جنین باندې د صهیونیسټ رژیم د پراخو حملو په ترڅ کښې د صهیونیسټ رژیم دوه بې پیلوټه الوتکې رانسکورې کړې.