په استنبول کښې د آل سعود خلاف مظاهرې

دیوراپورله مخې د عربستان د کنسولګرۍ په وړاندې د استنبول د خلکو په پرونیو مظاهرو کښې ګډونوالو د (سعودي رژیم باید محاکمه شي)، (مړ دې وي آل سعود)، (مړه دې وي امریکا) او (مړ دې وي اسرائیل) د شعارونو په ورکولو سره د یمن د ولس خلاف روانو جنایتونو څخه خپله کرکه څرګنده کړه.
د استنبول مظاهره چیانو په پاې کښې په خپره کړې بیانیه کښې وویل: د امریکې په ملاتړ سره د سعودي رژيم لخوا د یمن هراړخیزه محاصره د یو ولس د موجودیت خلاف یو تاریخي جنایت ته ورته ده.
بیانیه زیاتوي: د یمن ولس له لوږې، قحطۍ او ډول ډول ناروغیو سره مخ دی او د دې جنایتونو ذمه واري د آل سعود په غاړه ده.