ټرمپ اعصاب له لاسه ورکړ

آریانانیوز: د امریکا د ولسي جرګې ديموکراتې مشرې «نانسي پلوسي» وايي، د سوريې په اړه له کانګريس غړو سره د ناستې پر مهال ولسمشر ډونلډ ټرمپ خپل اعصاب له لاسه ورکړي دي

مېرمن پلوسي ويلي، د سوريې په اړه يې له ولسمشر ټرمپ سره روانه ناسته احتجاجا پرېښې ده
د ديموکرات ګوند يوه وکيل چوک سچومر رسنيو ته ويلي، ولسمشر ټرمپ په دغه ناسته کې مېرمن پلوسي د درېيمې درجې سياستواله وبلله او نوموړې احتجاجا دغه ناسته پرېښوده
د امریکا ولسي جرګې ديموکرات او جمهوري پلوو غړو د رايو په اکثريت له سوريې د امریکايي پوځيانو د اېستلو مخالفت کړی او په دې اړه يې د ټرمپ پرېکړه غندلې، خو ټرمپ پر خپل دريځ ټينګار کوي او له سوريې د امریکايي پوځيانو ايستل سمه پرېکړه بولي
ولسمشر ټرمپ په خپل ټويټ کې ويلي، دی يوازینی کس دی، چې د امریکايي پوځيانو د خونديتوب فکر لري او هڅه کوي، چې بې ګټې او بې پایه جګړې پای ته ورسوي
ډونلډ ټرمپ وايي، امريکايي عسکر بايد د لږې مودې لپاره سوريې ته تللي وای، خو هلته يې کلونه تېر کړل، همدارنګه بايد د افغانستان جګړې لپاره هم بايد د لڼدې مودې لپاره تللي وای، خو امریکايي عسکر هلته هم نږدې دوه لسيزې ښکېل پاتې شو، او زه غواړم، چې دغه جګړې نورې پای ته ورسوم.