عمران خان: د پاکستان د بهرنیو چارو وزیر د افغانستان په اړه هیڅ نه پوهیږي

آریانانیوز: د پاکستان پخوانی لومړی وزیر وايي، د هغه هېواد د بهرنیو چارو اوسنی وزیر بلاول بوټو د افغانستان په اړه څه نه پوهیږي.

د پاکستان پخواني لومړي وزیر عمران خان د دغه هیواد پر اوسني حکومت نیوکې کړي او ویلي یې دي چې د پاکستان د بهرنیو چارو وزیر بلاول بوټو زرداري د افغانستان په اړه هیڅ نه پوهیږي.

عمران خان خبریالانو ته په خبرو کې د خپل حکومت د بهرنۍ تګلارې ستاینه وکړه او ویې ویل چې د هغه حکومت د افغانستان له اوسني حکومت سره دوستانه اړیکې درلودې.

باید وویل شي، چې عمران خان په پاکستان کې د خپل صدراعظمۍ پر مهال پر افغانستان د طالبانو د تسلط هرکلی کړی و.