د ملګرو ملتونو چارواکو د پناه غوښتونکو د شړلو په اړه د بریتانیا د پریکړې له امله انتقاد کړی دی

د کډوالو لپاره د ملګرو ملتونو د عالي کمېشنرۍ مشر د پناه غوښتونکو د اخراج په اړه د بریتانیا پر وروستۍ پرېکړې نیوکه کړې ده.

د فرانسې خبري آژانس راپور ورکړی چې د کډوالو لپاره د ملګرو ملتونو د عالي کمېشنرۍ مشر په یوه بیان کې ویلي دی چې روانډا ته د کډوالو د ویستلو په اړه د برتانیا پریکړه په بشپړه توګه غلطه ده.

همداراز د کډوالو لپاره د ملګرو ملتونو عالي کمېشنرۍ د برتانیا د وروستۍ پرېکړې په غبرګون کې روانډا ته د کډوالو اخراج او بېرته ستنېدل یوه ناورینونکې پرېکړه بللې ده.

په عین وخت کې، المیادین راپور ورکړی چې انګلستان د هغه جنجالي تړون وروسته له سخت مخالفت سره مخ شو چې انګلستان له روانډا سره لاسلیک کړ چې په ترڅ کې یې رواندا ته د هغو کډوالو او پناه غوښتونکو پر لیږد ټینګار کوي چې په غیرقانوني ډول د مانش کانال څخه تیریږي.

د دغې شبکې د معلوماتو له مخې، د مهاجرینو د لومړۍ ډلې د ایستلو او روانډا ته د هغوی د لیږدولو د عملیاتو په درشل کې، د بریتانیا یوه محکمه په دې برخه کې د استیناف غوښتنو په اړه غور کوي.

که څه هم د بشري حقونو مدافعینو، ملګرو ملتونو، د انګلستان کلیسا او حتی د بریتانیا شاهي کورنۍ پر دغه پلان نیوکې کړي دي مګر داسې ښکاري چې د لومړي وزیر بوریس جانسن حکومت اراده لري چې د مانش کانال د غیرقانوني تیریدو مخه ونیسي، کوم چې د برګزیت راهیسې زیات شوی دی.

د برتانیا د کورنیو چارو وزیرې پریټي پټېل ​​وویل: وروستی اداري ګام د افریقايي هېواد روانډا سره په همغږۍ کې اخیستل شوی دی. نوموړې د دغه پلان د پلي کېدو لاره هواره وبلله او ويې ويل: د دغه حکومتي فرمان د پلي کیدو د ځنډولو له هڅو سره سره روانډا ته مهاجرین استول کیږي.