د اسراییلي ویب پاڼې لخوا په سایبرسپیس کې د فلسطین پلوه زده کونکو ځورول

يو شمېر فلسطيني محصلين وايي، چې په وروستيو مياشتو کې يې نومونه او شخصي معلومات په يوه اسرائيلي وېبپاڼه خپاره شوي او د انلاين تاوتريخوالي هدف ګرځېدلي دي.

د “کنري ماموریت” په نوم یوه اسراییلي ویب پاڼه په امریکایي پوهنتونونو کې د فلسطین پلوه مظاهره کونکو تعقیب او په سایبرسپیس کې د دوی د شخصي معلوماتو د خپرولو پرمهال یې په انټرنیټ کې د دوی د ځورولو هڅه کړې ده.

د المیادین په وینا، “لیلا سید” چې یوه مصري الاصله امریکايي محصله ده، وايي چې د فلسطین په پلوي لاریون کې له ګډون څو اونۍ وروسته هغې د خپلې ملګرې پیغام ترلاسه کړ او ورته معلومه شوه چې د هغې عکس او شخصي معلومات په یوه اسراییلي ویب پاڼه کې خپاره شوي چې هغه یې د یهودیت ضد تور پورې کړی دی. د دې ویب پاڼې له پرانستلو او لټون کولو وروسته، ځوانه نجلۍ د خپل ځان عکسونه ویني چې د پنسلوانیا په پوهنتون کې د اکتوبر د 16 مظاهرې پورې تړاو لري. په دې عکس کې په ګڼه ګوڼه کې د هغې شتون په سور لیکو سره روښانه شوی، او د هغې د زده کړې او ټولنیزې شبکې پروفایل په اړه معلومات هم لیکل شوي وو.

نورو صهیونیسټ کاروونکو د کامنټونو په برخه کې لیلا ته سپکاوی کړی او لیکلي یې دي چې هغه هیڅ راتلونکی نلري او “غزې ته د اخراج لپاره نومانده ده!

نورو کاروونکو په تیرو اونیو کې ورته تجربې شریکې کړې او ویلي یې دي چې دوی د اسراییل پلوه کاروونکو لخوا آنلاین ځورول شوي دی. صهیونیسټي کاروونکو له پوهنتون څخه د دغو کسانو د ایستلو او یا د هغوی د وژلو غوښتنه کړې ده.

د یادولو وړ ده چې د انټرنټي ځورونو سره سره د فلسطینیانو ملاتړ په مختلفو بڼو په امریکايي پوهنتونونو کې دوام لري او نورو هیوادونو ته هم غځیدلی دی.