ویډیو/ په افغانستان کې د لوږې څخه د خلاصون لپاره د نجونو پلورل

دانلود ویدیو

آریانانیوز: د غوري د یوې ۵۶ کلنې ښځې دردونکې کیسه چې د بې وزلۍ له امله یې خپل دوه لمسیان پلوري.

د غوري اوسېدونکې ۵۶ کلنه بي بي رخشانه څلور مياشتې وړاندې د غور ولايت له تولک ولسوالۍ څخه فيروز کوه ښار ته راغلې وه. خو اوس د بې وزلۍ له امله چې د طالبانو حکومت یې اصلي لامل دی، خپل دوه لمسیان یې د خرڅلاو لپاره ایښي دي.

فقر او لوږه د نورو بدبختیو تر څنګ د دې لامل شوې چې یو شمېر کورنۍ خپل ماشومان په ځانګړې توګه خپلې لوڼې وپلوري.

د جګړې له امله رامنځته شوې بې وزلۍ ډیری کورنۍ دې ته اړ کړي چې یا په کم عمر کې خپلې لوڼې ودونه وکړي یا یې وپلوري.