کارټون/ ایا د طالبانو بهرني متحدین دوی نشي کنټرولولی؟

آریانانیوز: د بهرنيانو سره یوې هوکړې ته رسیدو وروسته ، طالبانو اوس د تعلیم یافته افغان نارینه او ښځینه فزیکي له منځه وړلو ته خپل پام اړولی ، او په حکومتدارۍ کې تجربه لرونکی او هغه کسان چې د طالبانو واک ته رسیدو په لاره کې یو خنډ دی…

باخبره سرچینو د دې کال په لومړۍ نیمایي کې د هدفي وژنو په شمیر کې د زیاتوالي خبر ورکړی. د کورنیو چارو وزارت وايي چې طالبانو او حقاني شبکې د وژنو د ترسره کولو لپاره ګڼ شمیر خلک تنظیم کړي دي.

د باخبره دولتي سرچینو په وینا ، د دې عیسوي کال په لومړۍ نیمایي کې په هدفي بریدونو کې د امنیت او دولتي ادارو سره تړلي 286 کسان وژل شوي دي. په مړو کې د پولیسو افسران ، د ملي اردو منسوبین ، د ملي امنیت عمومي ریاست کارمندان ، د ولایتي شورا غړي او نور په کټګورۍ کې شامل وو.

حکومتي چارواکي وايي چې طالبانو او د حقاني شبکې په وروستیو ورځو کې په افغانستان کې د پراخو حملو پرځای هدفي وژنو ته لاره هواره کړې. د کورنیو چارو وزارت وایي چې دې ډلې د وژنو د ترسره کولو لپاره د سلو کسانو یوه ډله جوړه کړې.

د افغانستان د بشري حقونو خپلواک کمیسیون د ملکي وګړو د هدفي وژنو په زیاتیدو اندیښنه څرګنده کړې او ویلي یې دي چې د روان کال په لومړیو شپږو میاشتو کې په ټول افغانستان کې په سیستماتیک او هدفي وژنو کې 533 ملکي وګړي وژل شوي او ۴۱۲ نور ټپیان شوي دي.

پوځي کارپوهان دغه وژنې په دوحه ، قطر کې د بین الافغانی سولې په روانو خبرو اترو کې د ډیرو امتیازاتو ترلاسه کولو لپاره پر افغان حکومت د طالبانو د فشار سره په سمون کې ګڼي. د دوی په وینا ، امنیتي ادارې د تجربې د نشتوالي له امله د دې وژنو مخه نشي نیولی.

Deprecated: تابع WP_Query از نگارش 3.1.0 از رده خارج شده! caller_get_posts تاریخ‌گذشته است. به جای آن از ignore_sticky_posts استفاده نمایید. in /home/arianane/public_html/ps/wp-includes/functions.php on line 6114