ملګري ملتونه: ګوټریس د افغانستان راتلونکي په اړه اندیښنه لري

آریانانیوز: د ملګرو ملتونو یوه ویاند وویل چې عمومي منشي د افغانستان راتلونکي او د دې هیواد د امنیتي وضعیت په اړه اندیښنه څرګنده کړې ده.

د الجزیره تلویزیون د رپوټ له مخې د ملګرو ملتونو د عمومي منشي ویاند ، سټیفن دوجاریک وویل: انتونیو ګوټریس د دې هیواد راتلونکي او امنیتي وضعیت په اړه اندیښنه لري ، په ورته ډول د خلکو د لاسته راوړنو د له مینځه تلو په اړه هم اندیښمن دي.

نوموړی وویل: د ملګرو ملتونو عمومي منشي هماغه اندیښنې لري چې ډیبورا لیونس د افغانستان راتلونکي او د دې امنیتي وضعیت په اړه څرګند کړي. هغه د ریښتیني سیاسي خبرو اترو اړتیا باندې هم اندیښنه لري چې سیمه ایز ځواکونه پکې دخیل وي. هغه د افغانستان د خلکو ځینې لاسته راوړنې چې په لوی مشکل سره ترلاسه شوې دي، په ځانګړي ډول د ښځو ، ځوانانو او لږکیو په اړه هم په اندیښنه کې ده.

دا څرګندونې د متحده ایالاتو له وتلو سره په تیرو کلونو کې د کابل په شمال کې د باګرام له اډې څخه شوې.

دغه هیواد ویلي دي چې له افغانستان څخه د متحده ایالاتو او ناتو سرتیرو وتل د روان کال د سپټمبر په 11 نیټه به بشپړ شي. امریکایانو دا هم وویل چې دوی به په افغانستان کې د متحده ایالاتو د سفارت او د کابل د هوایی ډګر د ساتنې لپاره 650 سرتیري وساتي.