په هیواد کې د ناامنۍ اصلی لامل بهرینی نیواکګرځواکونوشتون دی

آریانانیوز: د خبر له مخې د نیمروز د علماؤ شورا په یوه غونډه کښې د علماؤ د وژلې په غندلو سره په یوه خبرپاڼه کښې وویل: په هیواد کښې د بهرنیو لاسوهنه او د نیواکګرو ځواکونو شتون په هیواد کې د جنګ او ناامنۍ اصلي وجه ده.
د نیمروز د علماؤ شورا په خپله بیانیه کښې له عالمانو، مشرانو، اسلامي بهیرونو او خلکو وغوښتل چې د نیواکګرو ځواکو د ایستلو او د بهرنیو د لاسوهنې د ختمولو لپاره لاس په کار شي.
امریکا او انډیوالانو یې په هیواد کښې له ترهګرۍ سره د مبارزې او د امنیت تامینولو په پلمه په دغه هیواد یرغل وکړ خو له هغه وخت راهیسې په هیواد کښې ناامني، ترهګري او د نشه ایزو موادو تولید ډیر زیات شوی دی.