په اندونیزیا کې افغان کډوالو یو ځل بیا مظاهره وکړه

په اندونیزیا کې مېشتو افغان کډوالو یو ځل بیا د دوی بې سرنوشتۍ ته د ملګرو ملتونو د نه پاملرنې په غبرګون لاریون وکړ.

دغو مهاجرو د اندونیزیا په سورابای ښار کې د خپل بی سرنوشتۍ په اعتراض کې مظاهرې وکړې.

دغه کډوال په اندونیزیا کې د استرالیا د سفارت مخې ته راټول شوي وو او غوښتنه یې کوله چې د دوی سرنوشتۍ ته رسیدګي وکړي او په هغو هیوادونو کې میشت شي چې کډوال مني.

باید وویل شي، چې له تېرو لسو کلونو راهیسې په اندونیزیا کې ډېری افغان کډوال په عمدي توګه په اندونیزیا کې په نامعلوم حالت کې ساتل کېږي.

په تیر کال کې دغو مهاجرینو څو ځلې د خپل بی سرنوشتۍ په اړه مظاهرې کړي دي. خو تر اوسه ورته پام نه دی شوی.