په افغانستان کې جګړه ختمه شي

آریانانیوز: امریکا د بهرنیو چارو وزیر مایک پامپیو پر خپله ټویټر پاڼه، د افغانستان د سولې روانو خبرو ته په اشارې ویلي چې اوس هغه وخت را رسیدلی چې په افغانستان کې جګړه ختمه او سوله ټینګه شي.

پامپیو زیاتوي،:  له څنګه چې ما کابل ته دخپل وروستي سفر په لړ کې روښانه کړه چې، اوس هغه وخت را رسیدلی چې په افغانستان کې سوله ټینګه شي، امریکا په افغانستان کې د سولې د راتلو لپاره ژمنه ده او د هغه چا ملاتړ کوي چې سولییز افغانستان غواړي”.
د امریکا د بهرنیو چارو وزیر په دې توټیري پیغام کې د کابل وروستي خونړۍ برید ته په اشاري ویلي چې، دا د افغانانو حق دی چې په هېواد کې یې تاوتریخوالي ته نور د پای ټکی کیښودل شي.