ملګري ملتونه: طالبان له بېلابېلو برخو څخه د ښځو د ایستلو هڅه کوي

آریانانیوز: دا خبره د ملګرو ملتونو د بشري حقونو د کارپوهانو یوې ډلې په یوه راپور کې کړې ده د طالبانو مشران په لویه کچه او سیستماتیک ډول د جنسیت پر اساس تبعیض او د ښځو او نجونو پر وړاندې تاوتریخوالی بنسټیز کوي.

کارپوهانو د طالبانو لخوا د محدودولو د یو لړ اقداماتو په اړه خبرداری ورکړ، ویې ویل: په ټولیز ډول، دا پالیسي د ښځو او نجونو ډله ایز مجازات تشکیلوي، کوم چې د جنسیتي تعصب او ناوړه کړنو پر بنسټ ولاړ دی.

د ملګرو ملتونو د بشري حقونو کارپوهانو په خپل رپوټ کې ویلي چې د طالبانو تګلارې د ښځو د حرکت، بیان او په عامه او سیاسي چارو کې د ګډون پر ازادۍ د سختو محدودیتونو سربېره، د هغوی د کار او ژوند پر وړتیا اغېزمنه کړې او هغوی یې نوره هم بې وزلۍ ته اړولې ده.

دوی پر نړیوالې ټولنې غږ کوي چې د افغانانو د اړتیا وړ بشري مرستو د زیاتولو او د دوی د بیا رغونې او پرمختګ د حق د درک کولو لپاره اقدام وکړي.