علي میثم نظري: پاکستان د طالبانو شریان دی

آریانانیوز: د پنجشېر د ځواکونو د بهرنيو اړيکو مسوول پاکستان د طالبانو د شريان په توګه ياد کړ، چې له دې پرته به طالبان وجود نه لري.

د پنجشېر د ځواکونو د بهرنیو اړیکو مشر علي میثم نظري وویل: پاکستان د طالبانو شریان دی او له دغه هېواد پرته به طالبان نه وي.

هغه زیاته کړه: په تېرو شلو کلونو کې موږ ته دا ثابته شوې چې پاکستان تل خپلو موخو ته د رسیدو لپاره دوه مخی چلند کړی او د دوی او طالبانو ترمنځ جګړه مصنوعي ده.