طالبان: په افغانستان کې د داعش د پیاوړتیا لپاره لابینګ ترسره کیږي

د طالبانو د لومړي وزیر سیاسي مرستیال ټینګار وکړ چې هیڅوک باید د داعش د پیاوړي کولو لپاره لابي ونه کړي.

د طالبانو د لومړي وزیر سیاسي مرستیال مولوي عبدالکبیر، د یو شمېر هېوادونو له سفیرانو، دیپلوماتانو او د ملګرو ملتونو او اروپايي ټولنې له استازو سره د افطار په مراسمو کې ټینګار وکړ چې داعش په افغانستان کې ځپل شوی او هیڅوک باید د هغه د پیاوړتیا لپاره “لابي” ونه کړي.

د طالبانو ویاند هم د داعش له خوا د ګواښونو د زیاتیدو ویره دروغ وبلله او ویې ویل چې په افغانستان کې د داعش ترهګره ډله ځپل شوې ده.

باید وویل شي چې طالبانو هم د ۱۴۰۱ کال د جولای په میاشت کې په کابل کې لویه جرګه جوړه کړه او د دې غونډې په وروستي پریکړه لیک کې یې له داعش او سلفیت سره خپلې پولې مشخصې کړې.

په کابل کې د طالبانو د لویې جرګې په وروستۍ پرېکړه لیک کې له داعش سره هر ډول اړیکه په ښکاره ډول غیر قانوني بلل شوې ده.