طالبان: اسراییل به په غزه کې مات شي

د طالبانو د اطلاعاتو او فرهنګ وزارت مرستیال ویلي لکه څنګه چې امریکا په افغانستان کې ناکامه شوه، اسراییل به هم په غزه کې ناکام شي.

د طالبانو د اطلاعاتو او فرهنګ وزارت مرستیال څرګنده کړه: مونږ مخکې هم ویلي وو چې د غزې او صهیونیسټانو ترمینځ په روانه جګړه کښې حماس برلاسی دی.

هغه وویل، انشاالله امریکا او ټول متحدین به یې د افغانستان په څېر هلته هم له شرمونکې ماتې سره مخ شي.

هغه زیاته کړه: واکمن ملتونه تل له نورو څخه الهام اخلي. د امریکا او صهیونزم ویره اوس د ولسونو په ذهنونو کې نشته.

د يادونې وړ ده، چې طالبانو او افغان ولس تر دې وړاندې هم څو ځلې د اسرائيلو جنايتونه غندلي او د غزې له خلکو يې خپل ملاتړ اعلان کړى دى.