دطالبان او امریکا تر منځ هيڅ ډول پټ اسناد نشته

آریانانیوز: دیورپوټ له مخی په قطر کې د طالبانو سیاسي دفتر وایي، له امریکا سره په شوي تړون کې هيڅ ډول پټ اسناد شته او په دې اړه خپاره شوي راپورونه د مغرضو کړیو کار دی
دغه څرګندونې د طالبانو د سیاسي دفتر ویاند سهیل شاهین په خپل ټویټر لیکلي، نوموړي ویلي «زمونږ او د امریکا ترمینځ هیڅ ډول پټ اسناد نشته. یوه توافقنامه ده چې په مطبوعاتو کې راغلې او بل د توافقنامې تشریح ده چې د توافقنامې هر بند تشریح کوي اود تطبیق میکانیزم یا ضمایم بلل کیږي.
د شاهین په خبره، له دې پرته بل هیڅ داسې سند نشته، چې پټ دې ساتل شوي او د ځینو جعلي پاڼو له لوري په دې تړاو خپاره شوي راپورونه پروپاګند دی
یاده دې وي، چې د امریکا او طالبانو تر منځ د توافقنامې له لاسلیک وروسته، یو شمېر رسنیو راپورونه وکړل، چې ګواکي د امریکا د بهرنیو چارو وزیر وايي، له طالبانو سره په شوي توافق کې دوه محرم اجرايي اسناد شته، چې دی یې یوازې کانګرس ته ویل غواړي.