د ولسمشر لومړي مرستیال طالبان ویرندوکی وبلل

آریانانیوز: د ولسمشر لومړي مرستیال امرالله صالح لیکلي چې طالبان د بیان د آزادۍ ، فکر ، انتخاب ، ژوند او پوښتنې وېره لري...

د ولسمشر لومړی مرستیال ، د طلوع نیوز د پخواني خبریال نعمت الله روان د وژلو په غبرګون کې ، وویل چې طالبانو یو بل بد کار وکړ.

امرالله صالح هم په ټویټر کې لیکلي چې طالبان د بیان د آزادۍ ، فکر ، انتخاب ، ژوند او پوښتنې څخه ویره لري.

نعمت الله روان د پنجشنبې په ورځ (د ثور میاشت په 16مه ) د کندهار په ښار کې د ناپیژندو وسله والو لخوا ووژل شو. تر دې دمه کومې ډلې یا فرد د برید پړه نه ده منلې.

د دولت د اطلاعاتو او رسنیو د مرکز رییس او د نعمت الله رویان نږدې همکار ، دواخان مینه پال وویل چې طالبان له کلونو راهیسې په ورته وژنو کې لاس لري.

نعمت الله روان د دې مخکې د طلوع نیوز تلویزیون خبریال او وړاندې کوونکی و او په دې وروستیو کې د مالیې په وزارت کې د مطبوعاتو افسر په توګه ټاکل شوی و.