د “فلسطین، د مسلمانانو لومړۍ کعبه” علمي سیمینار ترسره شو

د نيمروز ولايت د اطلاعاتو او فرهنګ رياست له خوا د "فلسطين، د مسلمانانو لومړۍ کعبه" علمي سيمينار جوړ شو.

د نيمروز ولايت د اطلاعاتو او فرهنګ رياست له خوا د فلسطين، د مسلمانانو لومړۍ کعبه علمي سيمينار د دغه ولايت د ديني عالمانو، ځوانانو او فرهنګيانو په شتون کې جوړ شو.

د دغه ولايت د اطلاعاتو او فرهنګ رئيس مفتي حبيب الله الهام په دغه غرمنۍ سيمينار کې د فلسطين پر مسلمانانو د اسرائيلو د وحشیانه بريدونو وغندل او ويې ويل: مسلمانان سره وروڼه دي.

همدا راز یې ځوانان د اسلام د دښمنانو د ناوړه فریبونو د مخنیوي په موخه د یووالي او پیوستون لپاره وهڅول.

د دغه سیمینار په دوام کښې مفتي محمد داوود یوسفي د فلسطین د بې شمیره فتوحاتو او د فلسطیني مسلمانانو د روان ظلم په باره کښې معلومات وړاندې کړل.

همدارنګه په دې سیمینار کې کارپوهانو د فلسطین د ځمکې په اړه د دغه ولایت ځوانانو ته مهم او اړین معلومات وړاندې کړل.