د سینټ کام قوماندان: داعش د افغانستان په ځینو برخو کې فعال حضور لري

آریانانیوز: د سینټ کام قوماندان وویل، داعش په دودیز ډول په افغانستان کې خپریږي، او زه فکر کوم چې په دې کې خطر شته.

د امریکا د مرکزي قوماندانۍ (سینټ کام) قوماندان ادعا کړې چې داعش د افغانستان په ځینو برخو کې فعال حضور لري.

جنرال فرانک مکینزي د داعش د هڅو په اړه اندیښنه څرګنده کړه چې د طالبانو د مخالفینو د جذبولو لپاره یې هڅه کوي او ویې ویل چې د پنټاګون د نوې ارزونې له مخې، د داعش په څیر ترهګرې ډلې لا هم په افغانستان کې فعالې دي.

د هغه په وينا، پنټاګون اندېښنه لري چې د دې ډلې اصلي موخه لا هم پر لوېديځ او په ځانګړې توګه پر امريکا د بريد پلانول دي.

مکینزي وویل: هغه څه چې موږ په افغانستان کې په هغو سیمو کې وینو چې د حکومت تر کنټرول لاندې نه دي دا دي چې داعش په دودیز ډول پراخیږي، او زه فکر کوم چې په دې کې خطر شته.

په دې وروستیو کې د امریکا دفاع وزارت (پنټاګون) په یوه راپور کې ادعا کړې وه، چې داعش ډله هڅه کوي د طالبانو د حکومت وسله وال مخالفین جذب کړي.