د حکومت لخوا د لسګونو نورو طالب بندیانو خوشې کیدو په اړه د سهیل شاهین عکس العمل

آریانانیوز: په قطر کې د طالبانو ویاند سہیل شاهین د حکومت لخوا د لسګونو نورو طالب بندیانو خوشې کیدل د بین الافغانی خبرو پیل کې یو مثبت ګام بولي...

په قطر کې د طالبانو ویاند وویل چې حکومتي چارواکو د دې ډلې د بندیانو خوشې کیدل بیا پیل کړي ، او ټینګار یې وکړ چې دا د بین الافغاني خبرو اترو د پیل لپاره یو مثبت ګام و .

په قطر کې د طالبانو ویاند سهيل شاهین ازادي راډیو ته وویل چې حکومتي چارواکو د دې ډلې د بندیانو خوشې کول بیا پیل کړي دي.

د طالبانو ویندوی وویل: زموږ بندیان خوشې شوي دي او موږ دا یو مثبت ګام ګڼو چې د بین الافغاني خبرو پیل لپاره به لاره هواره کړي .

د دوشنبه ماښام (د وږی 10) ، شاوخوا 70 بندیان چې افغان دولت یې خطرناک ګڼي د پل چرخي له بند څخه خوشې شوي دي.

خوشې شوي بندیانو ویلي چې دوی شمیر72 دی ، خو یوې حکومتي سرچینې ویلي چې 100 طالبان خوشې شوي دي.