حکمتیار: د کرمان د خونړي برید پړه د اسرائیلو پر غاړه ده

د افغانستان د حزب اسلامی مشر وویل د ایران د کرمان ولایت د وحشیانه حملې بار د صهیونیسټ رژیم په اوږو دی.

د افغانستان د اسلامي ګوند مشر په ایران کښې وروستۍ ترهګره حمله وغندله او څرګنده یې کړه چې د غزې د جګړې عاملین او صهیونزم د دغه جنایت عامل دي.

ګلبدین حکمتیار د ایران په کرمان ولایت کښې د ترهګرې حملې په غندلو سره وویل: په دې کښې هیڅ شک نشته چې د دغه جنایت بار د دغې پیړۍ د خونړیو جنګونو د عاملینو په اوږو دی او وروستۍ یې د غزې جګړه ده.

هغه زیاته کړه: دا جنایت د هغو کسانو دی چې لاسونه یې له افغانستان څخه تر فلسطین پورې د سلګونو زرو مسلمانانو په وینو رنګ دي، هغه کسان چې د استعمار او صهیونزم د مهمو شخصیتونو په وژلو کې لاس لري: استعمار او د هغه خبیث اولاد صهیونزم.

د یادولو وړ ده چې د ایران په کرمان ولایت کې د جنرال قاسم سلیماني د شهادت د تلین په مراسمو کې دوه زورورې چاودنې وشوې چې په پایله کې یې ۸۵ تنه شهیدان او ۲۱۱ تنه نور ټپیان شول.