افغانستان په زندانونو کې ۶۰ بهرني اتباع

طالبانو اعلان وکړ: د لسو ښځو په ګډون ۶۰ بهرني اتباع په افغانستان کې بندیان دي.

د افغانستان د زندانونو چارو د تنظیم ادارې مرستیال اعلان وکړ: اوسمهال د افغانستان په زندانونو کې ۶۰ تنه بهرني اتباع بندیان دي چې لس تنه یې ښځې دي.

ده زياته کړه: دغه کسان په مختلفو دلايلو په افغانستان کې بنديان دي.

د هغه په وينا، په ټولیز ډول په افغانستان کې شاوخوا ۲۰ زره بندیان دي چې ۱۵۰۰ یې ښځې دي.