افغانستان لا هم په نړۍ کې د نشه يي توکو تر ټولو لوی تولیدوونکی هېواد دی

آریانانیوز: د روسیې د امنیت شورا سرمنشي ویلي چې افغانستان لا هم په نړۍ کې د تریاکو ستر تولیدوونکی هېواد دی.

د روسیې د امنیت شورا منشي نیکولای پاتروشیف په نوي ډیلي کې خبریالانو ته وویل چې افغانستان اوس هم په نړۍ کې د تریاکو تر ټولو لوی تولیدوونکی هېواد دی چې د نړۍ د بازار ۹۰ سلنه برخه جوړوي.

هغه وويل، د نشه يي توکو د قاچاق عوايد او د سازمان شويو جرمونو له ډلو څخه د مالياتو راټولول چې د نشه يي توکو په توليد او توزیع کې ښکېل دي، د تروريستي فعاليتونو د تمويل اصلي سرچينې دي. افغانستان اوس هم په نړۍ کې د تریاکو تر ټولو لوی تولیدوونکی هېواد دی، چې د نړیوال بازار ۹۰٪ برخه جوړوي.