افغانستان د خبریالانو لپاره د نړۍ د پنځو خورا خطرناکو هیوادونو په لیست کې

آریانانیوز: بې پولې خبریالان راپور ورکوي چې افغانستان د نړۍ یو له هغو پنځو هیوادونو څخه دی چیرې چې تیر کال ډیر خبریالان پکې وژل شوي دي...

په راپور کې راغلي ، چې د 2020 میلادي کال له پیل راهیسې د پنځو خبریالانو د وژنې عاملین نه دي پیژندل شوي.

د دې سازمان په وینا ، میکسیکو ، عراق ، افغانستان ، هند او پاکستان هغه پنځه هیوادونه دي چیرې چې خبریالان پکې د ډیر خطر سره مخ دي.

د بې پولې خبریالانو په وینا ، تیر کال په نړۍ کې 50 خبریالان د کار پر مهال وژل شوي دي.