ازبکستان د افغانستان له هوايي حریم څخه د سرغړونې خبره رد کړه

آریانانیوز: د ازبکستان دفاع وزارت په یوه خبرپاڼه کې ویلي چې د دوی هوايي ځواکونو د کوم ګاونډي هېواد له فضايي حریم څخه سرغړونه نه ده کړې.

د ازبکستان دفاع وزارت د ازبک الوتکو له خوا د افغانستان له فضايي حریم څخه د سرغړونې خبره رد کړه.

د ازبکستان د دفاع وزارت له خوا په خپره شوې خبرپاڼه کې ویل شوي، چې د دې هیواد هوايي ځواکونو د کوم ګاونډي هېواد له فضايي حریم څخه سرغړونه نه ده کړې.

تر دې مخکې په ټولنیزو رسنیو او شبکو کې د ازبکستان د یوې پوځي الوتکې له خوا د افغانستان له فضايي حریم څخه د سرغړونې ادعاوې شوې وې.