په کابل کې د القاعدې د مشر په وژنه کې له امریکایانو سره د پاکستان او طالبانو همکاري

د القاعدې د پخواني مشر وژنه د امريکايانو له خوا د پاکستان او طالبانو په همکارۍ او په افغانستان کې د امريکا د بشري سرچينو له شبکې څخه په استفادې ترسره شوه.

د خبري سرچینو د خبر له مخې د مصر د القاعدې د مشر ډاکټر ایمن الظواهري وژنه د امریکایانو لخوا د پاکستان او طالبانو په همکارۍ او په افغانستان کې د امریکايي بشري منابعو د شبکې په کارولو سره ترسره شوه. په افغانستان کې د پاکستاني استخباراتي ځواکونو (آی ایس آی) شتون او له امریکا سره د خپلو اهدافو په ترلاسه کولو کې د هغوی استخباراتي همکاري په دې وژنه کې مهم رول لوبولی دی. په تیرو وختونو کې د القاعدې د پخواني مشر اسامه بن لادن د وژلو او له منځه وړلو عملیات هم د همدې سرویس په همکارۍ په پاکستان کې ترسره شوي وو؛ د القاعدې د مشر په له منځه وړلو کې د طالبانو رول به په افغانستان کې د متحده ایالاتو لخوا د حکومت په توګه د دې ډلې په رسمیت پیژندلو کې خورا اغیزمن وي.

د طالبانو هدف د القاعدې د مشر په وژلو کې له امریکا سره د دوحې د موافقې عملي کول او د مالي سرچینو د راجلبولو لپاره له امریکا سره د دغې ډلې د وفادارۍ او د دې واکمن ډلې د ګډې موافقې د تایید مهر لګول او په دغه هیواد کې د میشتو منع شویو ډلو له شتون څخه خلاصون وو.

په هرصورت د طالبانو (یا اسلامي امارت) په منځ کې داسې مشران شته چې لا هم له القاعدې او نورو منع شویو او تروریستي ډلو سره په خپل تړون باندې ولاړ دي او په دې مسله کې د طالبانو له ځوانو او نوښتګرو مشرانو سره اختلاف لري.