په افغانستان کې د فیسبوک د تړلو امر صادر شو

آریانانیوز: د طالبانو د ډلې مشر په افغانستان کې د فیسبوک د محدودولو یا بندولو امر صادر کړی دی.

د طالبانو د ډلې مشر د دغې ډلې کابینې ته دنده سپارلې چې په افغانستان کې د فیسبوک د محدودولو یا بندولو لپاره پلان جوړ کړي.

ملاهبت الله اخندزاده د دې ډلې کابینې او د مخابراتو، ټکنالوژۍ، اطلاعاتو او فرهنګ وزارتونو ته امر کړی، چې د فیسبوک د محدودولو یا بندولو لپاره طرحه جوړه کړي.

طالبانو په افغانستان کې د واک تر لاسه کولو وروسته د رسنیو پر فعالیتونو ډېر محدودیتونه ولګول.