په افغانستان کې د داعش او القاعدې د فعالیتونو په اړه د امریکا اندیښنه

آریانانیوز: د افغانستان لپاره د امریکا ځانګړي استازي توماس ویسټ ویلي، متحده ایالات په افغانستان کې د داعش د بریدونو د زیاتوالي او د القاعدې د جنګیالیو د حضور په اړه ژوره اندیښنه لري.

د امریکا ځانګړي استازي زیاته کړه چې واشنګټن اوس له طالبانو سره استخباراتي خبرو ته چمتووالی نیسي. د هغه په وینا دا خبرې اترې به په دوحه کې ترسره شي.

ویسټ دا نه دي ویلي چې خبرې به کله پیل شي.

نوموړي په داسې حال کې په افغانستان کې د داعش د بریدونو د زیاتوالي په اړه اندېښنه ښودلې، چې داعش په دې وروستیو کې په افغانستان کې مرګوني بریدونه کړي دي.