په افغانستان کښې د امريکې شتون د جنګ د پراختيا سبب دے

دیو رپوټ له مخې د پاکستان د فوځ د استخباراتي ادارې آئي اېس آئي پخواني مشر جنرل اسد دراني وويل، په افغانستان کښې د ناامنۍ او بې ثباتۍ دوام په سيمه کښې د امريکې پراختيا غوښتونکو او جنګ جوړونکو سياستونو نتيجه ده.

هغه زياته کړه: امريکه په افغانستان کښې له ترهه ګرۍ سره د مبارزې او صلحې ، ثبات او امنيت د ټينګولو په بهانه په دغه هېواد کښې خپل موجوديت توجيهوي.
هغه تاکيد وکړ، امريکه په افغانستان کښې د صلحې د ټينګښت او د جنګ د خاتمې مخالفه ده، ځکه چې په سيمه او نړۍ کښې صلح د امريکې له سټراټيجکو ګټو سره سمون نه خوري.