پنټاګون: د امریکا په کمپونو کې نیمايي افغانان بې سرپرسته ماشومان دي

آریانانیوز: پنتاګون وايي د هغو 000 53، افغانانو نیمايي چې دغه هیواد ته داخل شوي ماشومان دي.

پنټاګون د کانګرس وکیلانو ته په یوه وروستي لیک کې ویلي چې متحده ایالاتو ته د راوړل شویو 53 زره افغانانو نیمایي یې ماشومان دي او دا وضعیت ډیری ننګونې منعکس کوي چې چارواکي د اتباعو میشته کیدو په هڅه کې ورسره مخ دي.

دا معلومات لومړی د دفاع وزیر لویډ آسټین لخوا د سنا د وسله والو خدماتو کمیټې لوړ پوړي غړي جیمز آین هوف ته د تخلیه شویو وضعیت په اړه لیکلي پوښتنو ته په ځواب کې افشا شوي.

د لیک له مخې، د امریکا په پوځي اډو کې د میشتو شاوخوا 22 سلنه بالغې میرمنې او 34 سلنه نارینه دي. په لیک کې د بې سرپرسته ماشومانو یا لویانو ساتونکو شمیر نه دی ذکر شوی ، او سناتور آین هوف دا مسله په ګوته نه کړه.

په سلګونو بې سرپرسته ماشومان د هغو کسانو په منځ کې وو چې په آلمان کې د رامسټین هوايي اډې ته راوړل شوي وو، چې د اډې چارواکو او امدادگرانو ته یې ننګونه وکړه.

آین هوف د پنټاګون پر چارواکو غږ وکړ چې د 124،000 خلکو په اړه توضیحات ورکړي چې د اګست په میاشت کې د متحده ایالاتو ګړندي وتلو له امله د کابل له هوایی ډګر څخه ایستل شوي و.