پدرام: طالبان دې د فدرالي حکومت پر جوړولو فکر وکړي

آریانانیوز: د افغانستان د ملي کانګرس ګوند مشر پر طالبانو غږ وکړ چې په افغانستان کې فدرالي نظام رامنځته کړي.

پدرام په خپله ټویټر پاڼه لیکلي: موږ پر طالبانو غږ کوو چې له اوس څخه د فدرالي حکومت پر جوړولو فکر وکړي او دا ومني.

د پدرام دا څرګندونې په داسې حال کې کېږي چې د اروپايي ټولنې د بهرنۍ پالیسۍ مشر جوزف بوریل په افغانستان کې د فدرالي حکومت د جوړېدو غوښتنه کړې ده.

د افغانستان د ملي کانګرس ګوند مشر په وار وار ټینګار کړی چې د فدرالي حکومت جوړول د افغانستان د اوسني بحران یوازینۍ حل لاره ده.