میدویدوف: امریکا د افغانستان د هیروینو د صادرولو سره موافق و

د روسیې د ملي امنیت د شورا مرستیال دیمیتري میدویدیف ویلي، چې امریکا په تېرو شلو کلونو کې روسیې او د مسکو متحدینو هېوادونو ته د افغان هیروینو د صادرولو لېواله وه.

میدویدوف زیاته کړه چې طالبانو په تیرو شلو کلونو کې د امریکا او متحدینو په پرتله په افغانستان کې د مخدره موادو پر ضد په مبارزه کې ډیر څه کړي دي.

دغه روسي چارواکي ادعا کړې ده چې طالبانو ، پرته له دې چې موږ یې په اړه څه احساس لرو له یوه کال څخه په کمه موده کې هغه څه کړي دي چې د امریکا په مشرۍ د ناټو ایتلاف چې ظاهراً په دې هېواد کې له ترهګرۍ سره په مبارزه بوخت و ، په دوو لسیزو کې ونه کړای شول. دا هغه څه دي چې پیښیږي.

نوموړي دغه څرګندونې د ملګرو ملتونو له نشه يي توکو او جرمونو سره د مبارزې ادارې (UNODC) د نوي راپور له خپرېدو وروسته وکړې.

د دغه راپور له مخې، په افغانستان کې د تریاکو تولید ۹۵ سلنه کم شوی او په ۲۰۲۲ کال کې له ۶۲۰۰ ټنو څخه په ۲۰۲۳ کال کې ۳۳۳ ټنو ته رسېدلی دی.