له ترکيې څخه د لسو زرو څخه د زیاتو مهاجرو ایستل

آریانانیوز: د ترکیې د کورنیو چارو وزارت د روان کال په دریو میاشتو کې د څه باندې ۱۰ زره او ۲۰۰ کډوالو د شړلو اعلان وکړ.

د ترکیې د کورنیو چارو وزارت په یوه خبرپاڼه کې د روان کال په لومړیو دریو میاشتو کې د څه باندې ۱۰ زره او ۲۰۰ کډوالو د شړلو خبر ورکړی او ویلي یې دي چې په دې کې تر درې زره زیات افغان کډوال دي.

د ترکیې د کورنیو چارو وزارت وايي، یوازې په تېرو څلورو ورځو کې نږدې ۱۰۰۰ افغان کډوال افغانستان ته لېږدول شوي دي.

د ترکیې د کورنیو چارو وزارت زیاته کړه چې په ترکیه کې څه باندې ۳۰ زره غیرقانوني کډوال پیژندل شوي او له دې جملې څخه د ۱۸زره پناه غوښتونکو دوسیې چې باید خپلو هیوادونو ته واستول شي په جریان کې دي.