طالبان: نړیواله ټولنه دې د غزې د ناورین مخه ونیسي

د طالبانو د لومړي وزیر اقتصادي مرستیال ویلي چې نړیواله ټولنه د افغان مهاجرینو شړل او په غزه کې ناورین نه ویني.

د طالبانو د لومړي وزیر اقتصادي مرستیال ملا عبدالغني برادر د مهاجرینو د نړیوالې ورځې په نمانځغونډه کې د نړیوالې ټولنې پر دوه مخي چلند نیوکه وکړه.

عبدالغني برادر د افغان مهاجرینو اخراج او په غزه کې ناورین ته په اشارې سره د نړیوالې ټولنې په دوه مخي چلند نیوکه وکړه او ویې ویل چې نړیواله ټولنه د افغان مهاجرینو شړل او په غزه کې ناورین ته نه گوری.

هغه پر نړیوالې ټولنې هم غږ وکړ چې د پناه غوښتونکو حقونو ته درناوی وکړي او په غزه کې د روانې غمیزې مخه ونیسي.