طالبان: موږ د فلسطین ملاتړ کوو

د طالبانو د دفاع وزیر وویل چې مونږ د فلسطین د مشروع غوښتنو ملاتړ کوو.

د طالبانو د دفاع وزیر محمد یعقوب مجاهد په کابل کې په یوه خبري غونډه کې وویل چې موقت حکومت د فلسطین مسئله د ټول اسلامي امت مسئله ګڼي.

د طالبانو د دفاع وزیر ویلي چې د فلسطین د برحقه غوښتنو ملاتړ کوي او ځان د مسلمانانو او مجاهدینو په غم او درد کې شریک ګڼي.

هغه زیاته کړه: د غاصب صهیونېسټ رژیم ملاتړو ته چې په شونډو یې د بشری حقوقو شعارونه دی وایی، چې د غزې د مسلمانانو په وړاندې ستاسو اوسنی سیاست له نفاق او ظلم څخه ډک دی، تاسو باید له دغه شوم سیاست څخه لاس واخلی او د انسانیت سره خپل دښمنی پرېږدی.