طالبان: امریکایانو ته د اډې د سپارلو مکتوب جعلي دی

د طالبانو ویاند ویلي چې په افغانستان کې د امریکايي اډې په اړه د دې ډلې مشر ته منسوب مکتوب جعلي دی.

د افغانستان په اسمان کې د امریکايي بې پیلوټه الوتکو د ګزمې له زیاتوالي هم مهاله سره، یو جریان له طالبانو څخه امریکا ته د اډو د سپارلو په اړه د تبلیغاتو په لټه کې دی.

په همدې تړاو په سایبر سپیس کې د طالبانو د مشر په حواله یو مکتوب هم خپور شوی چې پکې ادعا شوې چې ملا هبت الله اخندزاده امریکا ته اجازه ورکړې چې په افغانستان کې له داعش سره د مبارزې لپاره له اډو څخه کار واخلي.

طالب وياند ذبيح الله مجاهد دا موضوع ردوي او وايي هغه مکتوب چې په رسنيو کې خپور شوى جعلي او فوټوشاپ دى. د لږ دقت سره، تاسو به په دې کې ساده توپیرونه لیدلای شئ.