طالبانو په غزه کې د اوربند د پرېکړې هرکلی کړی دی

د طالبانو د بهرنیو چارو وزارت په غزه کې د اوربند د پریکړه لیک د تصویب هرکلی کړی دی.

د طالبانو د بهرنیو چارو وزارت په غزه کې د ملګرو ملتونو د امنیت شورا لخوا د اوربند د پریکړه لیک د تصویب هرکلی وکړ.

دغه وزارت له امنیت شورا وغوښتل چې ژر تر ژره دغه اوربند تضمین کړي څو هلته د روان ناورین مخه ونیول شي.

دغه وزارت د ملګرو ملتونو له امنیت شورا او له نفوذ لرونکو هېوادونو څخه هم غوښتي چې د پرېکړه لیکونو تر څنګ د فلسطین د نسل وژنې د مخنیوي لپاره عملي ګامونه پورته کړي.