طالبانو په افغانستان کې د امنیتي پېښو زیاتوالی رد کړ

طالبانو په افغانستان کې د امنیتي پېښو د زیاتوالي په اړه د ملګرو ملتونو د عمومي منشي د راپور په غبرګون کې هغه بې اساسه بللی دی.

د طالبانو د کورنیو چارو وزارت ویاند د افغانستان د امنیتي پېښو په اړه د ملګرو ملتونو د سرمنشي نوی راپور رد کړ او ویې ویل چې دا ټولې ادعاوې د حقیقت خلاف دي.

عبدالمتین غني په ایکس چینل کې د یوه مطلب په خپرولو سره زیاته کړه چې په افغانستان کې برابر شوی امنیت سرتاسري او بې ساري دی.

د کورنيو چارو وزارت وياند وويل: په دې وروستيو کې موږ کومه امنيتي پېښه نه ده لرلې او يا هم محدودې وې.

قانع وویل چې د ملګرو ملتونو معاونیت پلاوي ځینې پیښې او عملیات چې د مخدره موادو د له منځه وړلو او یا د تښتوونکو سره د مبارزې په برخه کې وو په امنیتي قضیو کې شامل کړي دي.

د هغه په وينا، ملګري ملتونه او په هغوى پورې اړوند ځينې کړۍ هڅه کوي، چې د افغانستان وضعيت ناامنه او بې ثباته وښيي.

هغه له ملګرو ملتونو وغوښتل چې د افغانستان د واقعیتونو له مخې خپل نظرونه بیان کړي.

د ملګرو ملتونو عمومي منشي د امنیت شورا په غونډه کې اعلان وکړ چې د ۲۰۲۳ کال د همدې مودې په پرتله په افغانستان کې امنیتي پېښې د فبرورۍ له لومړۍ نېټې څخه د مې تر ۱۳مې پورې ۵۵ سلنه زیاتې شوي دي.